“吾好意思…我地无钱俾你！”妈妈见到即时走出黎挡住个和尚“你误会啦…小姐！我黎食野架！”
“吾好意思…我地依度无斋食喎！”
“唔紧要架，小姐！”
“下…”
“麻烦俾个豆腐火腩饭！”和尚绕过妈妈走去我坐紧果张台黎坐。龙腾小说 [email protected]《据说天才只需一秒就能记住,发布地址:》
“咁你饮咩丫？”妈妈无奈地对住和尚说。
“清茶得架啦，麻烦哂！”和尚点点头。
我係度咁耐和尚的确见过唔少，但係係入黎乞钱，但未见过和尚入黎食野囉。
明明和尚食斋，但竟然叫火腩，摆明棍黎！肯定黎呃饭食！都唔知食完有无钱俾！
火腩饭好快就黎到，和尚坐係我对面，拎起筷子慢慢食，好似食得好正经好有修养，唔似一般麻甩佬咁狼死，同时我亦发现原来佢拎走火腩同葱花夹去碟边，无食到，的确似係食斋喎！
依条和尚佬，究竟真和尚定假和尚呢？暂时睇落去完全无破绽！
当个和尚食完既时候，突然望向妈妈度。《据说天才只需一秒就能记住,发布地址:》
“老闆娘，可唔可以我帮你算一算命，换我依餐饭呢？”和尚微笑向住妈妈讲。
“你即係无钱俾？係咪？”妈妈听完，个样明显嬲嬲地。
（果然俾我估中，真係呃饭食既死和尚！！）“唔係，当然唔係啦，只係纯粹想帮你算一算命！”和尚好冷静咁回应“唔洗客气啦，麻烦你28蚊！”妈妈个样真係好鬼cool！
“好！”和尚伸手入心口度，拎左个好似锦囊，係入面拎出3张10蚊纸出黎。
“找番二蚊，多谢！”妈妈接完，找番二蚊俾佢。
（竟然又有钱俾，可能呃唔到饭食，先唯有拎钱出黎！）和尚食完，竟然仲唔走，继续坐係原位，饮左澹清茶。
“老闆娘，你应该係属猪，对吗？”和尚合埋对眼，然后对住我讲！
妈妈听到，竟然呆左，谂左一阵“你点知架？”
“你最近应该有好多不如意既野，烦扰紧你，对吗？”
“例如呢？我唔係好明你意思喎！”妈妈望住个和尚既反应。
“桃花劫！”和尚仍然双眼合埋！
“下！”妈妈呆左。《据说天才只需一秒就能记住,发布地址:》
“我睇相咁耐，从未睇错过！”和尚终于开眼啦。
“从你面上气色红粉渐露，柳眉凤眼！一生桃花多！”和尚突然望向妈妈度。
“下…”妈妈开始认真听和尚讲野。
“你係咪辛亥年出生？”和尚望住妈妈。
“係丫！”
“咁请问你边月边日咩时辰出生呢？”
“咪住，我已经收左你钱，你咁样问我，阵间会唔会想屈我一笔架？”妈妈走左出黎，企係和尚面前。
“小姐，你言重啦，我纯粹想见你有心事，帮你一把！绝不收钱！”
